" مختلف "
هنوز يوروم ياپيلمامش
عاشورا اوروجنڭ فضيلتلری نه لردر؟
عاشورا اوروجنڭ ماهيتی نه در؟ عاشورا اوروجنی طوتانلره هانگی مژده لر ويريلمشدر؟
:جواب
عاشورا اوروجي پيغمبر افنديمزڭ (ع ص م) سنّتيدر
ابن عبّاسدن (رض) روايت ايديلديگنه گوره :
”پيغمبريمزڭ عاشورا گوني هم كنديسي اوروج طوتمش هم ده طوتمه يی امر ايتمشدر.“ ( بخاري، مسلم)
اللّٰه رسولي (ع ص م) مدينه يه گلديگنده يهوديلرڭ عاشورا گوني اوروج طوتدقلريني گوردي و صوردي:
"بو نه در؟" بويوردي. جواب ويرديلر:
"بو صالح بر گوندر؛ چونكه او گونده اللّٰه، موسي ايله اسرائيل اوغوللريني دشمانلرندن قورتارمشدر ده ( موسي) او گونده اوروج طوتمشدر." بونڭ أوزرينه شويله بويوردي:
"بن موسی يه سزدن داها ياقينم."
صوڭره كنديسي او گوني اوروج طوتمشدر؛ ( اصحابنه ده ) او گونده اوروج طوتمه لرينى امر ايتمشدر.“ ( بخاري، مسلم، ابو داود)
عاشورا اوروجي توم پيغمبرلرڭ (ع م) سنّتيدر
رسول اللّه (ع ص م) بويورييوركه :
”عاشورا گوننده اوروج طوتیڭز. چونكه عاشورا گوني أويله سنه دگري بيوك بر گوندركه ، پيغمبرلر بو گونڭ اوروجني طوتارلردي.“ ( امام سيوطي)
”عاشورا گوني پيغمبرلر اوروج طوتمشلردر. بناءً عليه اوني سز ده طوتون.“(صحيح مسلم)
عاشورا اوروجي صحابه افنديلريمزڭ( ر ض ) سنّتيدر
ربيع بنت معوّذ (رض) دن:
"عاشورا گوننڭ صباحي اللّٰه رسولي (ع ص م)، انصار كويلرينه شو خبري گوندردي:
”كيم بوگون اوروجه نيت ايتمشسه تماملاسين. كيم نيت ايتمه مشسه گونڭ قالان قسمنى اوروجله گچيرسين.“
اوندن صوڭره بز او گون اوروج طوتاردق، چوجقلريمزه ده طوتديروردق. اونلره يون اويونجاغي ويرردك، بزدن ييمك ايسته دكلري زمان اويونجاغي اللرينه ويروب اويالاردق. بويله جه اوروجي تماملامه لريني صاغلاردق." ( بخاري ، مسلم)
افنديمز (ع ص م) عاشورا اوروجني اصرارله امر ايتمشدر
عاشورا گوني، يهوديلرڭ صايغي گوسترديگي و بايرام ايدندكلري بر گون ايدي. بو سببله اللّٰه رسولي (ع ص م):
"سز، او گونده اوروج طوتون!" بويوردي. ( بخاري، مسلم)
سلمه بن الأكوع (رض) دن:
اللّٰه رسولي (ع ص م)، أشلمدن بر آدمه امر ايتدي:
"هايدي حلقه اعلان ايت! كيم يمشسه گونڭ قالان قسمنى اوروجله گچيرسين. كيم يمه مشسه اوروجنه دوام ايتسين. چونكه بوگون، عاشورا گونيدر." ( بخاري، مسلم، نسائي)
اشلم ( قبيله سي) اللّٰه رسولي علیه الصلات والسلامه گلدي. اونلره ديديكه :
"بوگونڭزي اوروجله گچيرديڭزمي؟"
"خير" ديديلر.
"گونڭزڭ قالان قسمنى طوتون و اوني قضا ايدڭ" بويوردي. ( يعني عاشورا اوروجني قصد ايدييور. ) ( ابو داود)
رسول اللّه (ع ص م) عمر بن حطّاب حارث بن هشامه (رض) خبر گوندره رك:
”يارین عاشورا گونيدر. اونڭ ايچون عائله ڭه اوروج طوتمه لرينى امر ايت.“ديدي. ( امام مالك)
عاشورا اوروجي بر أوڭجه كي سنه نڭ گناهلرينه كفارتدر
”عاشورا (اوروجي) بر أوڭجه كي سنه نڭ گناهلرينه كفارتدر.“( مسلم)
ابو قتاده (رض) دن:
اللّٰه رسولي (ع ص م) بويوردي:
”عاشورا گوني اوروجنڭ بر أوڭجه كي ييلڭ گناهلرينه كفارت اولمه سني اميد ايدييورم.“ ( ابو داود، مسلم)
”محرّم آينده كي، عاشورا گوني اوروجي گچن سنه نڭ كوچك گناهلريني أورتر. (گچن سنه يه كفّارتدر) ( مسلم)
ابو قتاده دن (رض) روايت ايديلديگنه گوره :
صحابه لر پيغمبر افنديمزه (ع ص م) عاشورا گوني اوروج طوتمقله ايلگيلي صورو صورديلر. پيغمبر افنديمز ده (ع ص م) اونلره :
”اوگون طوتولان اوروج، گچمش ييلڭ گناهلرينه كفارت اولور“ دييه جواب ويرمشدر. ( مسلم) (رياض الصالحین)
عاشورا گوني اوروج طوتان فردوس اعلايه ميراثجي اولور
”هر كيم عاشورا گوني اوروج طوتارسه ، فردوس اعلايه وارث اولور.“ ( كنز العمّان)
اللّٰه (ج ج) عاشورا گونني اوروجلي گچيرنڭ جاننى جهنّمه حرام قيلار
”محرّمڭ اوننجي گوني اولان عاشورا گونني اوروجلي گچيرنه اللّٰه تعالي بیڭ حج، بیڭ عمره و یوز شهید ثوابي يازار و كنديسنه طوغو ايله باتي آرا سنده كيلرڭ اجري ويريلير. بو كيشي اسماعيل (ع م) ڭ نسلندن ١٠٠٠ كوله آزاد ايتمش گبي اولور،كنديسي آدينه جنّتده یتمش بیڭ كوشك انشا ايديلير. اللّٰه تعالي، اونڭ جاننى جهنّمه حرام قيلار.“ ( نزهت المجالس)
عاشورا گونني اوروجلي گچيرنه اون بیڭ ملك ثوابي ويريلير
عاشورا گونني اوروجله گچيرنه اون بیڭ ملك ثوابي ويريلير. او گون اخلاص سوره سني بیڭ كره اوقويانه ، اللّٰه تعالي رحمت نظري ايله باقار و او كيشي صدّیقلردن يازيلير. ( نزهت المجالس) :قايناق http://www.xn--mgbcanya0ab4l6abbcd.com - عاشورا اوروجنڭ فضيلتلری نه لردر؟